1

bhajagovindam bhajagovindam
govindam bhajamuuDhamate .
sampraapte sannihite kaale
nahi nahi rakshati DukR^iJNkaraNe

2

mUDha jahiihi dhanaagamatR^ishhNaam
kuru sadbuddhim manasi vitR^ishhNaam.h .
yallabhase nijakarmopaattam
vittam tena vinodaya chittam.h

3

naariistanabhara naabhiidesham
dR^ishhTvaa maagaamohaavesham.h .
etanmaamsaavasaadi vikaaram
manasi vichintaya vaaram vaaram.h

4

naliniidalagata jalamatitaralam
tadvajjiivitamatishayachapalam.h .
viddhi vyaadhyabhimaanagrastam
lokam shokahatam cha samastam.h

5

yaavadvittopaarjana saktaH
staavannija parivaaro raktaH .
pashchaajjiivati jarjara dehe
vaartaam ko.api na pR^ichchhati gehe

6

yaavatpavano nivasati dehe
taavatpR^ichchhati kushalam gehe .
gatavati vaayau dehaapaaye
bhaaryaa bibhyati tasminkaaye

7

baalastaavatkriiDaasaktaH
taruNastaavattaruNiisaktaH .
vR^iddhastaavachchintaasaktaH
pare brahmaNi ko.api na saktaH

8

kaate kaantaa kaste putraH
samsaaro.ayamatiiva vichitraH .
kasya tvam kaH kuta aayaataH
tattvam chintaya tadiha bhraataH

9

satsaNgatve nissNgatvam
nissaNgatve nirmohatvam.h .
nirmohatve nishchalatattvam
nishcalatattve jiivanmuktiH

10

vayasigate kaH kaamavikaaraH
shushhke niire kaH kaasaaraH .
kshiiNevitte kaH parivaaraH
GYaate tattve kaH samsaaraH

11

maa kuru dhana jana yauvana garvam
harati nimeshhaatkaalaH sarvam.h .
maayaamayamidamakhilam hitvaa
brahmapadam tvam pravisha viditvaa

12

dinayaaminyau saayam praataH
shishiravasantau punaraayaataH .
kaalaH kriiDati gachchhatyaayuH
tadapi na muJNcatyaashaavaayuH

12a

dvaadashamaJNjarikaabhirasheshhaH
kathito vaiyaakaraNasyaishhaH .
upadesho bhuudvidyaanipuNaiH
shriimachchhankarabhagavachchharaNariH

13

kaate kaantaa dhana gatachintaa
vaatula kim tava naasti niyantaa .
trijagati sajjanasam gatiraikaa
bhavati bhavaarNavataraNe naukaa

14

jaTilo muNDii luJNchhitakeshaH
kaashhaayaambarabahukR^itaveshhaH .
pashyannapi cana pashyati muuDhaH
udaranimittam bahukR^itaveshhaH

15

aNgam galitam palitam muNDam
dashanavihiinam jatam tuNDam.h .
vRiddho yaati gRihiitvaa daNDam
tadapi na muJNcatyaashaapiNDam.h

16

agre vahniH pR^ishhThebhaanuH
raatrau chubukasamarpitajaanuH .
karatalabhikshastarutalavaasaH
tadapi na muJNcatyaashaapaashaH

17

kurute gaN^gaasaagaragamanam
vrataparipaalanamathavaa daanam.h .
GYaanavihinaH sarvamatena
muktim na bhajati janmashatena

18

sura ma.ndira taru muula nivaasaH
shayyaa bhuutala majinam vaasaH .
sarva parigraha bhoga tyaagaH
kasya sukham na karoti viraagaH

19

yogarato vaabhogaratovaa
saNgarato vaa saNgaviihinaH .
yasya brahmaNi ramate chittam
nandati nandati nandatyeva

20

bhagavad.h giitaa kiJNchidadhiitaa
gaNgaa jalalava kaNikaapiitaa .
sakRidapi yena muraari samarchaa
kriyate tasya yamena na charchaa

21

punarapi jananam punarapi maraNam
punarapi jananii jaThare shayanam.h .
iha samsaare bahudustaare
kRipayaa.apaare paahi muraare

22

rathyaa charpaTa virachita kanthaH
puNyaapuNya vivarjita panthaH .
yogii yoganiyojita chitto
ramate baalonmattavadeva

23

kastvam ko.aham kuta aayaataH
kaa me jananii ko me taataH .
iti paribhaavaya sarvamasaaram.h
vishvam tyaktvaa svapna vichaaram.h

24

tvayi mayi chaanyatraiko vishhNuH
vyartham kupyasi mayyasahishhNuH .
bhava samachittaH sarvatra tvam
vaaJNchhasyachiraadyadi vishhNutvam.h

25

shatrau mitre putre bandhau
maa kuru yatnam vigrahasandhau .
sarvasminnapi pashyaatmaanam
sarvatrotsR^ija bhedaaGYaanam.h

26

kaamam krodham lobham moham
tyaktvaa.atmaanam bhaavaya ko.aham.h .
aatmaGYaana vihiinaa muuDhaaH
te pachyante narakaniguuDhaaH

27

geyam giitaa naama sahasram
dhyeyam shriipati ruupamajasram.h .
neyam sajjana saNge chittam
deyam diinajanaaya cha vittam.h

28

sukhataH kriyate raamaabhogaH
pashchaaddhanta shariire rogaH .
yadyapi loke maraNam sharaNam
tadapi na muJNchati paapaacharaNam.h

29

arthamanartham bhaavaya nityam
naastitataH sukhaleshaH satyam.h .
putraadapi dhana bhaajaam bhiitiH
sarvatraishhaa vihiaa riitiH

30

praaNaayaamam pratyaahaaram
nityaanitya vivekavichaaram.h .
jaapyasameta samaadhividhaanam
kurvavadhaanam mahadavadhaanam.h

31

gurucharaNaambuja nirbhara bhakataH
samsaaraadachiraadbhava muktaH .
sendriyamaanasa niyamaadevam
drakshyasi nija hRidayastham devam.h

32

muuDhaH kashchana vaiyaakaraNo
DukRiJNkaraNaadhyayana dhuriNaH .
shriimachchhamkara bhagavachchhishhyai
bodhita aasichchhodhitakaraNaH

33

bhajagovindam bhajagovindam
govindam bhajamuuDhamate .
naamasmaraNaadanyamupaayam
nahi pashyaamo bhavataraNe